ភ្នំពេញ៖ អ្នកឧកញ៉ា ឡេង ណាវ៉ាត់ត្រា បានបដិសេធនូវការចោទប្រកាន់ចដែលថាលោកមានគម្រោអភិវឌ្ឍដីព្រៃភ្នំតាម៉ៅ គឺជាការប្រមូលឈើលក់ ការលាងលុយកខ្វក់ រួមទាំងមានមនុស្សនៅពីក្រោយខ្នងឲ្យធ្វើសកម្មភាពផ្សេងៗក្នុងសង្គម។ លោកព្រមានចាត់វិធានការឆ្លើយតបចំពោះអ្នកដែលលាបពណ៌លោកលើរឿងទាំងនេះ។
ក្នុងសារសំឡេងនៅរសៀលថ្ងៃទី១៨ ខែសីហា ឆ្នាំ២០២២ នេះអ្នកឧកញ៉ា ឡេង ណាវ៉ាត់ត្រា បានលើកឡើងថា លោកមិនអាចស៊ូទ្រាំនឹងការចោទប្រកាន់ការលាបពណ៌ដែលធ្វើឲ្យប៉ះពាល់ដល់កេរ្ត៍ឈ្មោះលោក និងក្រុមហ៊ុនរបស់លោកបានទេនោះទេ។ លោកបញ្ជាក់ថាអ្វីដែលលោកមានបច្ចុប្បន្ននេះ គឺកើតចេញពីការខិតខំតស៊ូរបស់ទាំងស្រុង។
លោកក៏បានបញ្ជាក់អំពីគម្រោងដែលលោកចង់ធ្វើការអភិវឌ្ឍដីនៅភ្នំតាម៉ៅថា គឺចង់បង្កើតជាផ្ទះដើម្បីលក់ធូរថ្លៃជូនប្រជាពលរដ្ឋ។ លោកបានប្រកាសទទួលខុសត្រូវទាំងស្រុង និងរៀបចំដាំដើមឈើឡើងវិញផងដែរតាមអនុសាសន៍របស់នាយករដ្ឋមន្ត្រី សម្ដេចតេជោ ហ៊ុន សែន។
លោកបានបញ្ជាក់ថាបញ្ហាអភិវឌ្ឍដីភ្នំតាម៉ៅគឺជាមួយតែរឿងមួយទៀតដែលលោកមិនអាចស៊ូទ្រាំបាននោះគឺការចោទប្រកាន់ថា លោកបានយកព្រៃឈើភ្នំតាម៉ៅយកទៅលក់ ការលាងលុយកខ្វក់និងមានអ្នកមានអំណាចនៅពីក្រោយពីដើម។
លោកបញ្ជាក់ថាចាប់ពីថ្ងៃនេះតទៅលោកនឹងមិនឲ្យមានការចោទប្រកាន់នេះកើតឡើងទៀតទេ។
លោកថា៖ «វាអយុត្តិធម៌ណាស់ចំពោះរូបខ្ញុំដែលជាយុវជនម្នាក់និងបុគ្គលិកក្រុមហ៊ុនទាំងមូលដែលតែងតែប្រឹងជួយសង្គមលះបង់គ្រប់យ៉ាងហើយទទួលបានមកវិញនូវការចោលប្រកាន់ និងប្រមាថដល់អាក្រក់នេះជាការឈឺចាប់បំផុត»៕
